TƏBİB-in MEDİA-nın və Mətbuat Şurasının birgə müsabiqəsinin qaliblərinin adları açıqlanıb
“Tibbi Ərazi Bölmələrini İdarəetmə Birliyi” publik hüquqi şəxsi (TƏBİB), Azərbaycan Respublikasının Medianın İnkişafı Agentliyi (MEDİA) və Azərbaycan Mətbuat Şurasının birgə təşkilatçılığı ilə Ulu öndər Heydər Əliyevin və dünya şöhrətli oftalmoloq alim Zərifə Əliyevanın 100 illik yubileyi, eyni zamanda TƏBİB-in fəaliyyətə başlamasının 5 illiyi ilə bağlı media nümayəndələri arasında “Bir ömür xidmətinizdə...” mövzusunda yaradıcılıq müsabiqəsinin qaliblərinə mükafatlar təqdim olunub. Mükafatların təqdimatı TƏBİB-in 5 illiyi ilə bağlı keçirilmiş təntənəli mərasimdə gerçəkləşib. Müsabiqə qalibləri adları aşağıda çəkilən şəxslərdir. Şərtlərə uyğun olaraq, onların hər birinə müvafiq olaraq 1000, 700 və 500 manat miqdarında pul mükafatı, həmçinin TƏBİB-in rəmzi hədiyyəsi təqdim olunub.
1-ci yer
Sitarə Həmidova
Azərbaycan Radiosu
Zarina Orucəliyeva
"Sputnik - Azərbaycan"
2-ci yer
Elnarə Kərimova
"Cümhuriyət" qəzeti
Hicran İbrahimli
ARB24 TV
3-cü yer
Məlahət Rzayeva
"Şərq" qəzeti
Samirə Abdullayeva
"Report" İnformasiya Agentliyi
Qeyd edək ki, müsabiqəyə 40 yazı təqdim olunmuşdu. Yazılar TƏBİB-in, Medianın İnkişafı Agentliyinin və Mətbuat Şurasının birgə münsiflər heyəti tərəfindən müəyyənləşdirilib.
